16項有關我的事情<---這個是近期我在facebook給人tag左的一個小玩意, 也在這裏公告一下給沒有玩facebook的朋友, 有興趣的話也可以一起來玩玩這個, 就在我想這十六點note的時候, 也會有從新去應識自己的感覺, 還有要在facebook內找十六個朋友去tag既時候會發現：究竟tag邊個好！！規則：當你比人tag左，就要寫一篇note，內含16項有關你的事情，習慣，喜好，目標或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。
01.好想搵返自己出黎, 好想知道自己諗緊Ｄ咩！
02.早日醫好我既選揀困難症。
03.無論做咩都好, 都好想做到問心無愧, 但次次都係懶惰拖誇左這個想法, 很激氣呢！
04.可以既話, 好想生活可以簡簡單單, 唔駛好有錢, 只要開開心心每日都冇野愁！
05.唔好以為我好硬淨, 我想講我唔係我唔係我唔係。
06.最好既一日, 就係咩都唔駛諗, 可以係度聽歌同遊魂。
07.我常做既野就係：在自己的角度, 觀察外間的事物, 從而了解人生。
08.中文字是我較擅長表達情感的方法, 言語及表情都是麻木的呆子樣。
09.從來都很害怕沒有安全感的事物。
10.假設我有六十歲咁多, 係我既前半生, 我做左好多我想做就去做既野, 我唔識評論我做既野係正確定係唔正確, 但我滿意我做既每件事, 全都有真心咁付出過, 我懂得享受當中的過程。
我會為我做到我想做的設計師而開心 (雖然現在我有點想離開設計師的行業, 就如俗語所說的做個行厭個行, 而且有好多有苦同行先知既野), 我有為我能開過一間自己的咖啡店而感動(雖然你可以話我是失敗了, 但我真的從頭到尾也沒想過, 這種經歷從不知不覺間發生了), 我有為我兒時媽媽帶我到Ｍ記買野食時，看到員工在摌薯條入薯條袋很好玩的一幕, 成為了我人生的第一份工作 (這是一項體力勞動的工作, 唔計工錢的話, 很合乎我不想用腦的原則), 我從沒想過我能開動一輛車子，還有我每天在十多尺的厠所內修練我的一字碼(我相信這是我人生中最有恆心去做的一件事, 不過只限於當年)......還有很多很多.....至於我的下半生, 我未有idea.....係咪應該繼續及時行樂？？？
11. 係我十幾歲既時候, 做左一樣好錯既錯事, 不過係le一件錯事入面, 我學識左好多野, 最主要係我學識左"有一得就會有一失"既理論！！
12. 我相信好多野係整定, 只要盡力咁去做, 就算得唔到你想得到既結果, 唔需要埋怨任何野, 當係一個經驗, 有機會既話下次再做好Ｄ, 就好似我既口頭禪咁"好多野係你既就始終都係你既, 唔係你既點都冇你份"
13. 永遠都記得阿婆同我講：人蠢就唔好懶, 記往要俾心機搵錢, 唔好俾人睇死！
14. 記得家姐同我講過, 我要好好咁學下時間管理。
15. 學懂了沒結果的事情要放手。
16. 我覺得我這半生都好好運, 好多貴人係身邊, 可以既話, 下半生都係咁就滿足了～
.jpg)
